أعلن نجم منتخب مصر الأولمبي عن ثبوت الأشعة التي خضع لها بإصابته بقطع كامل في الرباط الصليبي ليتأكد غيابه بشكل رسمي عن الاولمبياد التي ستقام في فرنسا.
إصابة نجم منتخب مصر بقطع في الرباط الصليبي
وكتب إسلام المزين لاعب بلدية المحلة الحالي عبر حسابه الرسمي على إحدى مواقع التواصل الاجتماعي فيسبوك: “بسم الله الرحمن الرحيم إن الله إذا أحب عبدًا ابتلاه.. بسم الله الرحمن الرحيم وعَسَى أَنْ تَكْرَهُوا شَيْئًا وَهُوَ خَيْرٌ لَكُمْ…) بسم الله الرحمن الرحيم إن الله مع الصابرين بسم الله الرحمن الرحيم ولله يعلم وأنتم لا تعلمون الحمدلله رب العالمين بعد التأكد من نتيجه الاشاعات الحمدلله رباط صليبي”.
وتابع : “الحمدلله يارب انا راضي جدا بقضائك وبحكمك وعارف ان دا ابتلاء وانا الحمدلله راضي بقضاء الله وقدره هي بس ممكن تبقي الوقت صعب عليا شويا انا بقالي سنتين بحضر للاولمبياد عشان ابقي موجود والعب في الاولمبياد واحقق حلم صغير من احلامي والحمدلله بعد مكلموني الناس وكنت موجود ف المعسكر الي جاي لكن قضاء الله وقدره ولا نقول الا مايرضي الله الحمدلله في السراء والضراء”.
وواصل: “راضي يارب كامل الرضا وواثق انك هتعوضني إنشاءالله عوض كبير جدا لاني متعود من ربنا علي كدا الحمدلله يارب هونها وتعدي علي خير إنشاءالله وواثق في ربنا إنشاءالله اني هرجع احسن بكتير إنشاءالله كان حلمي ونفسي اني ابقي موجود ف الاولومبياد وربنا عالم اشتغلت وضحيت قد اي عشان احقق حلم صغير من احلامي”.
وأختتم : “بحمد ربنا وبشكره أخيرا بشكر كل الناس اللي سألت عليا وبشكر لعيبه نادي البلديه وبتمنالهم التوفيق في الفتره الي جايه بشكر كابتن احمد عبد الرؤوف والحاج مصطفي الشامي رئيس نادي البلديه الراجل المحترم جدا والمجتهد وبتمناله التوفيق ف حياته واخيرا بشكر سياده النائب المحترم محمود الشامي الي كان ديما داعم ومساند واخيرآ كنت بتمني اكمل والفريق يبقي في مركز كويس يستاهلو لعيبه وجهاز فني واداره واكمل حلمي للاولمبياد لاكن الحمدلله اولا واخيرا دعواتكم”.
